Глеб адхіліў запрашэнне выступіць за зборную зорак Еўропы
Аляксандр Глеб адхіліў
запрашэнне выступіць за зборную зорак Еўропы ў двух выставачных матчах у ЗША:
27 чэрвеня ў Нью-Ёрку са зборнай Афрыкі і 30 чэрвеня ў Лос-Анджалесе –— са
зборнай Паўднёвай Амерыкі.
“Уважліва ўзважыўшы ўсё "за" і "супраць", мы вырашылі адмовіцца, – сказаў карэспандэнту газеты "Прессбол" Мікалай Шпілеўскі, мэнэджэр Глеба-старэйшага. – Сезон выдаўся для Сашы вельмі напружаным. Пасля выступаў у Англіі і двух чэрвеньскіх гульняў за зборную з балгарамі яму неабходна паспець аднавіцца, адпачыць.
Часу ж для гэтага застаецца мала. Тым больш, што верагоднасць
атрымаць траўму ў гэтую міжсезонную пару ўзрастае. А такая рызыка абсалютна не
апраўданая”.
