Генштаб Украіны сцвярджае, што ўжо ліквідавана 200 тысяч расійскіх акупантаў

Генштаб Узброеных сіл Украіны сцвярджае, што ўжо ліквідавана 200 тысяч расійскіх акупантаў. За апошнія суткі расіяне страцілі 610 чалавек забітымі. Украінскімі вайскоўцамі было знішчана 9 танкаў, 17 адзінак бронетэхнікі, 16 артылерыйскіх сістэм, 9 крылатых ракет, 16 беспілотнікаў. Найбольш цяжкія баі па-ранейшаму ідуць у Бахмуце і яго наваколлі.

Расійскае Мінабароны апошні раз паведамляла пра свае страты ў верасні 2022-га — пра амаль 6 тысяч загінулых вайскоўцаў.