Вы тут

Генсакратар ААН не прыляціць у Мінск у верасні, як планавалася

Уладзімір Варанкоў. Фота: news.un.org

Генеральны сакратар ААН Антоніў Гутэрыш не прыляціць у Мінск на наступным тыдні, як планавалася раней. Замест яго нашу краіну наведае яго намеснік, кіраўнік Контртэрарыстычнага ўпраўлення ААН Уладзімір Варанкоў. Пра гэта парталу TUT.by распавялі ў МЗС і пацвердзілі ў Прадстаўніцтве ААН у Беларусі.

Раней МЗС паведамляў, што генсакратар ААН упершыню наведае Беларусь у верасні. Планавалася, што ён прыме ўдзел у міжнароднай канферэнцыі па барацьбе з тэрарызмам, якая будзе праходзіць у Мінску 3-4 верасня.