Генадзь Блізнюк вернецца ў БАТЭ?

Нападаючы зборнай Беларусі па футболе Генадзь Блізнюк можа вярнуцца ў БАТЭ. У інтэрв’ю газеце “Прэсбол”, ён заявіў, што шанцы на вяртанне ў Барысаў вялікія.
Канчаткова Блізнюк павінен вызначыцца да таварыскага матчу з Малдовай, які адбудзецца 10 чэрвеня ў Барысаве.

Нагадаем, нападаючы БАТЭ летась на правах арэнды перайшоў у нямецкі Франкфурт, але сёлета датэрмінова скасаваў кантракт і ў траўні вярнуўся ў Беларусь.