Gazeta Wyborcza: У Польшчы затрымалі беларусаў, якія шпіёнілі для Расіі
У Мінску кампетэнтныя органы пакуль не каментуюць гэтую інфармацыю.
Уплывовае польскае выданне паведамляе, што супрацоўнікі Агенцтва ўнутранай бяспекі затрымалі дваіх падазраваных у шпіянажы. Яны, нібыта, займаліся "распрацоўкай" ваенных аб’ектаў у Польшчы.
Gazeta Wyborcza сцвярджае, што пэўны час гэтыя асобы былі пад наглядам, а рашэнне пра іх затрыманне было прынятае пасля таго, як яны "павялічылі сваю актыўнасць у сувязі з падзеямі ва Украіне".
Фота — Fotolia
