Гандлёвая вайна паміж ЕС і ЗША адмяняецца
![Гандлёвая вайна паміж ЕС і ЗША адмяняецца](/sites/default/files/styles/gallery_main/public/2023-08/2018-07-25t205844z_1519175587_rc1adadb4320_rtrmadp_3_usa-trade-eu.jpg.webp?itok=MfKVb27d)
Гандлёвая вайна паміж Еўрасаюзам і ЗША адмяняецца. Кіраўнік Еўракамісіі Жан-Клод Юнкер і амерыканскі прэзідэнт Дональд Трамп змаглі дамовіцца працаваць разам над ліквідацыяй бар'ераў у гандлі, інфармуе "Бі-Бі-Сі".
Сустрэча прайшла напярэдадні ў Белым доме. Па яе выніках Трамп абвесціў пра "новы этап" у адносінах ЗША і ЕС. Ён адзначыў, што Еўропа павялічыць імпарт звадкаванага газу са Злучаных Штатаў і стане "вялізным закупшчыкам". Юнкер падкрэсліў, што дамова пра тарыфы была яго асноўнай мэтай і здзелку ўдалося заключыць.
На сустрэчы бакі дамовіліся пра развіццё гандлю ў сферы паслуг і ў сельскай гаспадарцы. ЕС і ЗША будуць дамагацца скасавання мытных пошлінаў, нетарыфных бар'ераў, субсідый на прамысловую прадукцыю (за выключэннем аўтапрама).
Obviously the European Union, as represented by @JunckerEU and the United States, as represented by yours truly, love each other! pic.twitter.com/42ImacgCN0
— Donald J. Trump (@realDonaldTrump) 25 июля 2018 г.