Галінка дрэва пакінула без святла 10 вёсак Смаргоншчыны
Паведамленне пра адключэнне электраэнергіі ў Смаргонскім раёне паступіла ратавальнікам 22 верасня ў 22.40.
Без электрычнасці апынуліся 10 населеных пунктаў Крэўскага сельсавета, 15 трансфарматарных падстанцый. Без святла засталіся 102 жылыя дамы, аб'екты жыццезабеспячэння ў зону адключэння не патрапілі, адзначае БЕЛТА.
Паводле папярэдняй версіі, прычынай аварыі магло стаць падзенне галінкі дрэва на высакавольтную лінію электраперадачы. Сёння каля 10.30 непаладкі былі ліквідаваныя.
Фота — ren26.ru
