ФСБ Расіі не пацвярджае пераход бранятэхнікі праз украінскую мяжу
Пра гэта заявіла памежнае ўпраўленне ФСБ РФ па Растоўскай вобласці.
Як нагадвае tvrain.ru, у шэрагу СМІ з'явілася інфармацыя пра пераход расійскай вайсковай тэхнікі праз мяжу з Украінай.
Брытанскія журналісты Шон Уокер з Guardian і Роланд Оліфэнт з Telegraph паведамілі, што калона БТР з расійскімі нумарамі заехала на мяжу з Украінай. Журналісты паведамілі, што ў калоне былі 23 баявыя машыны, цыстэрны з палівам і аўтамабілі суправаджэння. Па іх інфармацыі, калона з'ехала з асноўнай трасы на прасёлкавую дарогу і перайшла мяжу з Украінай у раёне КПП "Ізварына". Нагадаем, што гэтыя раёны кантралююць прарасійскія баевікі.
