Франк Рыберы не згуляе на футбольным чэмпіянаце свету
Некалькі тыдняў таму лідар зборнай Францыі, гулец "Баварыі" атрымаў пашкоджанне.
Як адзначае "Прессбол", у Рыберы траўма спіны. Залячыць яе футбаліст не паспеў, таму ў Бразілію ён не паедзе. Як вядома, Франк Рыберы правёў адзін з лепшых сезонаў, быў прызнаны найлепшым футбалістам Еўропы.
Нагадаем, што залечвае траўму калена форвард зборнай Уругвая і "Ліверпуля" Луіс Суарэс. Спрабуе аднавіцца пасля траўмы і Крышціяну Раналду, гулец зборнай Партугаліі і мадрыдскага "Рэала", найлепшы футбаліст свету.
Чэмпіянат свету па футболе стартуе ў Бразіліі 12 чэрвеня.
