Фотафакт: анархісты ў Мінску паказалі, як амапавец адбірае чысты аркуш паперы

У нядзелю, 21 траўня, анархісты ўстанавілі на Зыбіцкай вуліцы ў цэнтры Мінска фотабанер “Міліцыя для народа”, у які кожны жадаючы мог уставіць свой твар. На ім можна пабачыць амапаўца з дубінкай, які забірае ў маладога чалавека чысты аркуш паперы. Як вядома, сёлетняй вясной у шэрагах гарадоў Беларусі (у Баранавічах, Брэсце) міліцыянеры затрымлівалі людзей, якія трымалі на вуліцы чыстыя аркушы паперы. Іх пасля судзілі.