Аляксандра Герасіменя не заваявала ўзнагароды на этапе Кубка свету ў Японіі
9 лістапада ў японскай сталіцы Токіа пачалася праграма сёмага этапу Кубка свету па плаванні на "кароткай вадзе".
Адзіная прадстаўніца Беларусі на гэтых спаборніцтвах Аляксандра Герасіменя здолела прабіцца ў фінал адной з дзвюх дыстанцый. Яна стартавала, але засталася без медаля, паведамляе БЕЛТА.
Наша плыўчыха заняла 6-е месца ў фінале на дыстанцыі 50 м вольным стылем з вынікам 24,21 сек. Пераможцай стала аўстралійка Кейт Кэмпбел (23,47 сек).
Па выніках папярэдніх заплываў на дыстанцыі 100 м батэрфляем лідарку беларускай зборнай ад выхаду ў фінал аддзяліла адна пазіцыя ў пратаколе. Герасіменя апынулася 9-й (58,49 сек.). Адставанне ад восьмага выніку дня, які дазваляў працягнуць барацьбу за ўзнагароды, у беларускі склала 0,26 сек.
Заўтра ў заключны дзень сёмага этапу Кубка свету беларуска паспаборнічае на дыстанцыі 100 м вольным стылем.
Фота — bnp.by