Фільм пра палітзняволеную ў РБ трапіў у конкурсную праграму кінафестывалю ў ЗША
![Стужка пра беларускую палітзняволеную](/sites/default/files/styles/gallery_main/public/2024-04/filmmary.jpg.webp?itok=WzFdx_f2)
Стужка пра беларускую палітзняволеную / facebook.com
Фільм пра беларускую палітзняволеную трапіў у конкурсную праграму кінафестывалю "Трайбека" ў Нью-Ёрку. Гаворка пра ігравы фільм "Пад шэрымі нябёсамі" — паўнаметражны дэбют рэжысёркі Мары Тамковіч ("У жывым эфіры", "Дачка"). Фільм заснаваны на лёсе журналісткі тэлеканала "Белсат" Кацярыны Андрэевай (Бахвалавай), асуджанай у Беларусі на больш за 8 гадоў зняволення з палітычных матываў.
Фестываль адкрыецца 5 чэрвеня. У якасці яго галоўнай місіі заяўлены неабходнасць пераасэнсавання кінематаграфістамі іх уплыву на грамадскую свядомасць і папулярызацыю незалежнага кіно.
Летась Еўрарадыё паразмаўляла з Тамковіч пра здымкі фільма.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.