Вы тут

Фільм беларускага рэжысёра пра падзеі 2020-га атрымаў прыз у Паўднёвай Карэі

Міхаіл Аршынскі

Фільм беларускага журналіста і рэжысёра Міхаіла Аршынскага "Не бойся" перамог на прэстыжным конкурсе Hinzpeter Awards у Паўднёвай Карэі, паведамляе БАЖ.

Аршынскі атрымаў галоўны прыз "Свет на раздарожжы". 

У фільме паказаныя лёсы людзей, якія адгукнуліся на заклік блогера Сяргея Ціханоўскага і прынялі ўдзел у прэзідэнцкай кампаніі 2020 года. 

Суддзі конкурсу пракаментавалі фільм так: "Яго неспакой і спробы абвінаваціць дыктатуру ў незаконных выбарах пад пагрозай адпавядаюць духу Хінцпетэра".

Прэмію Hinzpeter Awards атрымліваюць журналісты, якія дэманструюць выбітны журналісцкі дух, асвятляючы дэмакратычныя падзеі па ўсім свеце.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.