Еўрапейская федэрацыя гімнастыкі працягнула бан для спартоўцаў з Беларусі і РФ
![Беларускім гімнастам застаецца толькі глядзець еўрапейскія спаборніцтвы](/sites/default/files/styles/gallery_main/public/2023-12/himnast-0112.jpg.webp?itok=EBaGcUk9)
Беларускім гімнастам застаецца толькі глядзець еўрапейскія спаборніцтвы / pixabay.com
Еўрапейская федэрацыя гімнастыкі на Генеральнай асамблеі прагаласавала супраць вяртання беларускіх і расійскіх спартоўцаў на спаборніцтвы пад сваёй эгідай у 2024 годзе. Як гаворыцца ў паведамленні федэрацыі, яна не падтрымала рашэння Міжнароднай федэрацыі гімнастыкі (FIG).
Як распавядала Еўрарадыё, Міжнародная федэрацыя гімнастыкі ў ліпені 2023-га дазволіла допуск спартоўцаў з дзвюх краін у нейтральным статусе. Пры гэтым не дапускаецца выкарыстанне сцяга і гімна, спартоўцы не павінны быць звязаныя з сілавымі структурамі і не павінны падтрымліваць расійскую агрэсію супраць Украіны.
Раней Міжнародны алімпійскі камітэт (МАК) дазволіў спартоўцам з Беларусі і Расіі ўдзельнічаць у спаборніцтвах у нейтральным статусе, але канчатковае рашэнне застаецца за фэдэрацыямі ў асобных відах спорту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.