Еўрапарламент выражае сваю салідарнасць з затрыманымі 25 сакавіка

Старшыня Еўрапарламенту Ганс-Герт Пэтэрынг заклікаў беларускія ўлады як мага хутчэй вызваліць усіх з затрыманых у ходзе акцыі 25 сакавіка.
“Ужыванне гвалтоўных мераў беларускімі ўладамі супраць мірных дэманстрантаў і пераслед незалежных журналістаў парушаюць асноўнае права на свабоду слова і сходаў”, - заявіў Пэтэрынг.

“Я рашуча асуджаю палітычна матываваныя затрыманьні грамадзянаў, якія выказваюцца за свабоду, дэмакратыю і правы чалавека. Еўрапарламент выражае сваю салідарнасьць з тымі, хто змагаецца за свабоду і дэмакратыю”, - дадаў палітык.