Вы тут

ЕСПЧ забараніў Расіі выдаваць на радзіму яшчэ аднаго беларуса

Ізалятар на Акрэсціна / Еўрарадыё

Еўрапейскі суд па правах чалавека (ЕСПЧ) забараніў Расіі выдаваць у Беларусь яшчэ аднаго нашага суайчынніка. Яго хочуць экстрадзіраваць за ўдзел у пратэстах 2020 года. Пра гэта піша расійскі камітэт "грамадзянскае садзейнічанне".

Імя беларуса не называецца — ЕСПЧ настойвае на захаванні ананімнасці заяўніка для яго бяспекі.

Паведамляецца, што суд ужыў правіла 39 — гэтая мера абавязвае дзяржаву пачаць неадкладныя дзеянні па захаванні жыцця і здароўя заяўніка. Правіла 39 выкарыстоўваецца ў выключных выпадках. Беларуса нельга выслаць на радзіму. пакуль ЕСПЧ не прыме канчатковае рашэнне.

Зрэшты, некалькі дзён таму Расія прадэманстравала, што з лгкасцю праігнаруе рашэнні ЕСПЧ. Нягледзячы на рашэнне суда ў Страсбургу суд у Маскве пастанавіў выдаць у Беларусь чэмпіёна свету па тайскім боксе і кікбоксінгу Аляксея Кудзіна. На радзіме ён з'яўляеццп фігурантам крымінальнай справы за акцыі пратэсту ў Маладзечне 10 жніўня — арт. 363 Крымінальнага кодэкса (супраціў супрацоўніку органаў унутраных спраў або іншай асобе, якая ахоўвае грамадскі парадак). Яму пагражае да пяці гадоў пазбаўлення волі. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.