Эштан прапанавала егіпецкім уладам вызваліць Мурсі
Ісламісцкі рух "Браты-мусульмане" абвясціў, што прапануе пачаць дыялог з новымі ўладамі Егіпту пры пасярэдніцтве ЕС.
Прадстаўнік "Братоў-мусульман" Джыхад аль-Хадад растлумачыў, што такая прапанова была перададзеная еўрапейскім чыноўнікам яшчэ да візіту ў Каір кіраўніцы еўрапейскай дыпламатыі Кэтрын Эштан.
Хутчэй за ўсё, ісламісты будуць патрабаваць "адмены перавароту", учыненага 3 ліпеня. Як адзначае сайт podrobnosti.ua, гэта першы выпадак, калі "Браты-мусульмане" спрабуюць наладзіць дыялог з новым егіпецкім кіраўніцтвам.
Тым часам Вярхоўны прадстаўнік ЕС па замежных справах Кэтрын Эштан заявіла, што не змагла сустрэцца з адхіленым ад улады прэзідэнтам Егіпта Мухамедам Мурсі.
Эштан выказала меркаванне, што Мурсі трэба вызваліць. У сваю чаргу, егіпецкія ўлады запэўнілі яе, што Мурсі пачуваецца добра.
Фота — Reuters
