ЕС пагражае Расіі больш жорсткімі санкцыямі, нават на шкоду сабе
Калі пуцінскія войскі выйдуць за межы Крымскага паўвострава, Еўрасаюз выкарыстае вырашальныя меры, нягледзячы на магчымыя эканамічныя страты.
Пра гэта заявіў міністр замежных спраў Германіі Франк-Вальтэр Штайнмаер, перадае news.liga.net са спасылкай на Deutsche Welle.
"Спроба, якая супярэчыць міжнароднаму праву, праз 25 гадоў пасля заканчэння "халоднай вайны" адкарэктаваць прызнаныя міжнароднай супольнасцю мяжы ў нашым еўрапейскім суседстве, адкрые скрыню Пандоры", — паведаміў кіраўнік нямецкай дыпламатыі.
Сітуацыю ва Усходняй Украіне кіраўнік МЗС Нямеччыны назваў "усё яшчэ якой заўгодна, але не стабільнай".
Фота — dpa
