Эльжбета Радзівіл. Фотасесія ў Ружанах

91-гадовая князёўна наведала палац сваіх сваякоў Сапегаў у Ружанах і палац сваіх сяброў Пуслоўскіх у Косаве Эльжбета Радзівіл у сваім веку застаецца цікаўным і авантурным чалавекам. Застаўшыся адна ў Беларусі на тры дні (астатнія Радзівілы ад’ехалі ў Варшаву), яна адправілася ў палац Сапегаў у Ружанах і палац Пуслоўскіх у Косаве.


— Гэта ж нашыя  сваякі!.. — заўважыла яна на пад’ездзе да Ружанскага палацу. — Павінна ж я паглядзець, дзе яны жылі.

Трэба зазначыць, што ў 91 год пані Эльжбета застаецца  зацятым фатографам. Упершыню яна ўзяла камеру ў рукі ў 1929 годзе — калі бацька падараваў адзінай дачцэ на 12-годдзе перадавы па тым часе фотаапарат. З таго часу яна ўсё жыццё здымае. Сёння ў арсенале князёўны — стужкавая напаўаўтаматычная “Мінолта” і сучасны лічбавы “Панасонік” з 10-кратным зумам.

Князёўна была моцна ўражаная маштабамі Ружанскага палацу, таму зладзіла тут сапраўднае фотапаляванне.






Гэты драўляны старадаўні картуш на браме вельмі зацікавіў пані Эльжбету




Рэшткі каміну на колішнім другім паверсе выклікалі  ў Эльжбеты Радзівіл масу згадак, як пры падобным каміне яны бавілі час з тымі ж Сапегамі…



Заўважыўшы, што я здымаю, князёўна не адмовілася папазіраваць



Ружанскі касцёл на пачатку 1990-х аднавіла Марыя Сапега — кузіна пані Эльжбеты. Да 28-мі гадоў пані Марыя жыла ў Ружанах. Памерла яна ўсяго некалькі месяцаў таму ў Варшаве ва ўзросце 98 гадоў…





Нават сядаючы ў  машыну, пані Эльжбета заўважылі цікавы ракурс і не прамінула злавіць  добры кадр


А вось на тле косаўскага палацу Эльжбета Радзівіл фоткацца не захацела. Патлумачыла: “Сапегі — мае сваякі, а Пуслоўскія — толькі сябры. Чаму мне фатаграфавацца ля іхняга палацу?..”


Глядзі таксама:

Эльжбета Радзівіл прыехала ў Беларусь на вакацыі

Эльжбета Радзівіл наведала сямейную рэзідэнцыю Радзівілімонты

Радзівілы даказалі музею, што карціна ў экспазіцыі падпісаная памылкова

Тайна медальёну Эльжбеты Радзівіл

Радзівілы сказалі міністру Латушку: вежу-цыбуліну на замку трэба змяніць