Імпарт украінскай бульбы ў Беларусь за год вырас удвая
Імпарт украінскай бульбы ў Беларусь за год вырас удвая (у 2,1 разы) — да 2,6 млн долараў. Наша краіна з’яўляецца найбуйнейшым пакупніком гэтага прадукту ва Украіны, на Беларусь прыпадае 75,4% ад усяго экспарту ўкраінскай бульбы, інфармуе сайт segodnya.ua.
Адзначаецца, што ў 2017 годзе Украіна павялічыла экспарт бульбы ў 2,6 разы і галоўным чынам за кошт Беларусі. Дарэчы, наша краіна займае толькі 10-е месца ў свеце па вытворчасці бульбы, Украіна — 4-я, а лідыруюць Кітай, Індыя і Расія.
