Дзяржкантроль знайшоў у Гродне дзіцячыя пясочніцы без пяску
Пясочніца, ілюстрацыйнае фота / pixabay.com
У Гродне прадстаўнікі Камітэта дзяржкантролю праверылі дзіцячыя гульнявыя пляцоўкі. Некаторыя з іх прыйшлося аператыўна рамантаваць, канстатуе прэс-служба ведамства.
Падчас маніторынгу кантралёры выявілі непадрыхтаваныя дзіцячыя пляцоўкі, якія мусілі быць адрамантаваныя ў першым паўгоддзі 2024-га.
Найбольш частымі недахопамі называюць нефарбаваныя лаўкі і дзіцячае абсталяванне, а таксама пашкоджаныя сядушкі арэляў. Акрамя таго кантралёры звярнулі ўвагу на нездавальняючы стан драўляных пясочніц, у тым ліку адсутнасць у іх пяску.
Пасля праверкі Дзяржкантролю камунальнікам давялося навесці парадак на сямі дзіцячых пляцоўках.
