Дзярждэп ЗША: Расія пагражае свету не менш за ісламістаў
ЗША лічаць, што Расія працягвае пастаўкі зброі сепаратыстам пасля дасягнення пагаднення аб спыненні агню на ўсходзе Украіны.
Пра гэта заявіла памочнік дзяржаўнага сакратара па справах Еўропы і Еўразіі Вікторыя Нуланд на амерыкана-цэнтральна-еўрапейскім стратэгічным форуме ў Вашынгтоне. "Нам трэба дапамагчы Украіне абараніць сябе, але ваеннага рашэння канфлікту няма, калі Расія вырашыць нанесці ўдар па Украіне, таму што расійскае войска заўсёды будзе большым", — перадае УНІАН словы Нуланд.
Памочнік дзяржсакратара таксама параўнала дзеянні Расіі з пагрозай міжнароднага тэрарызму з боку Ісламскай дзяржавы Ірака і Леванта. "Усе мы павінны працаваць над тым, каб зрабіць цэнтральнаеўрапейскую прастору немагчымай для пранікнення ідэй тэрарызму і экстрэмізму", — падкрэсліла Нуланд.
Фота — УНІАН
