Дзяржкантроль знайшоў на "Белкардзе" 610 мільёнаў рублёў "лішніх" прэміяў
Праверка Камітэта дзяржкантролю выявіла, што на такую суму пераплацілі гадавой прэміі кіраўніцтву і асобным работнікам прадпрыемства за 2012 год.
Як адзначае БЕЛТА, выканаўца абавязкаў кіраўніка прадпрыемства толькі за адзін месяц знаходжання ў 2012 годзе на гэтай пасадзе атрымаў узнагароду ў памеры больш за 160 мільёнаў рублёў. Дарэчы, да заканчэння праверкі незаконна выплачаная ўзнагарода ў памеры 417 мільёнаў рублёў ужо вернутая ў касу грамадства. Аднак матэрыялы праверкі перададзеныя ў праваахоўныя органы.
Праверка выявіла і іншыя парушэнні на "Белкардзе".
