Дзякуючы ўдарам HIMARS, запасы боепрыпасаў расійскай арміі рэзка зменшыліся
![Дзякуючы ўдарам HIMARS, запасы боепрыпасаў расійскай арміі рэзка зменшыліся](/sites/default/files/styles/gallery_main/public/2023-08/udar_1.jpg.webp?itok=pYl-TTKv)
Дзякуючы выкарыстанню ўкраінцамі амерыканскіх рэактыўных сістэм залпавага агню HIMARS, запасы боепрыпасаў расійскай арміі рэзка зменшыліся, піша obozrevatel.com. За апошнія тыдні трапнымі ўдарамі былі знішчаныя дзясяткі складоў і камандных пунктаў расіян. Такая сітуацыя пагражае ім немагчымасцю правядзення актыўных баявых дзеянняў на фронце. Украінскі бок сцвярджае, што ў Крамлі і Мінабароны РФ сапраўдная паніка з-за эфектыўнасці HIMARS і немагчымасці яго нейтралізаваць.
Украінская армія тым часам павялічвае інтэнсіўнасць удараў. Як піша палкоўнік ФСБ у адстаўцы Ігар Стралкоў, мінулай ноччу ў выніку ўдару HIMARS была знішчана расійская база супрацьпаветранай абароны побач з Луганскам.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.