Дырэктарка “Слаўцэнтра” Зімнева на Акрэсціна. Яе мужа арыштавалі на 14 сутак
![Ірына Зімнева](/sites/default/files/styles/gallery_main/public/2023-08/%D0%B3%D0%BB_13.jpg.webp?itok=H5yb0awR)
Ірына Зімнева
Дырэкратка Цэнтра славянскіх моваў і культур “Слаўцэнтр” Ірына Зімнева знаходзіцца на Акрэсціна. 13 красавіка суддзя Таццяна Мотыль пакарала Ірыну штрафам у 20 базавых велічыняў (740 рублёў) нібыта за хуліганства. Пасля гэтага Зімнева на волю не выйшла. Пра тое, што яна знаходзіцца на Акрэсціна, даведаліся праваабаронцы “Вясны”.
Мужа Ірыны — Аляксея — арыштавалі на 14 сутак паводле артыкула 19.1 КаАП (“Хуліганства”). Дома ў Ірыны і Аляксея дзве непаўнагадовыя дачкі.
"Слаўцэнтр" ладзіць курсы польскай мовы і дае кансультацыі па атрыманні карты паляка і паступленні ў польскія ВНУ. 13 красавіка ў офісах кампаніі адбыліся ператрусы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.