Дырэктар атрымаў 5 гадоў калоніі за продаж сертыфікатаў тэхагляду аўто
![Дырэктар атрымаў 5 гадоў калоніі за продаж сертыфікатаў тэхагляду аўто](/sites/default/files/styles/gallery_main/public/2023-08/hroshy_rastrata.jpg.webp?itok=a0Ds5Y_F)
Дырэктар аўтатранспартнага прадпрыемства ў Аршанскім раёне атрымаў пяць гадоў калоніі за “продаж” сертыфікатаў аб праходжанні тэхагляду ўладальнікамі няспраўных аўтамабіляў.
Як паведамляе прэс-служба Віцебскай абласной міліцыі, яго дзейнасць выкрылі супрацоўнікі аддзелу барацьбы з эканамічнымі злачынствам. 48-гадовы кіраўнік арганізацыі ў 2013 і 2014 годзе прымаў ад фізічных асобаў грошы за ўдалае праходжанне тэхагляду, ведаючы пра тэхнічныя няспраўнасці транспартных сродкаў.
Усяго выяўлена болей за 10 эпізодаў атрымання хабару. Прысуд набыў законную моц.
Фота з архіву