Двухгадовае дзіця заблакавала дзверы ў машыне, выклікалі ратавальнікаў

Двухгадовае дзіця заблакавала дзверы ў легкавым аўтамабілі Ford Fiesta. Здарэнне адбылося ў Жлобіне раніцай 18 кастрычніка. 33-гадовы бацька завёў аўтамабіль і на нейкае імгненне выйшаў з салона. У гэты момант дзяўчынка, якая знаходзілася на пярэднім пасажырскім сядзенні, націснула кнопку. Усе дзверы машыны аказаліся заблакаваныя.

Дзіця трэба было тэрмінова вызваліць, у гэтым і дапамаглі супрацоўнікі МНС, якія выкарысталі спецінструмент. Дзіця ў выніку здарэння не пацярпела і ў меддапамозе патрэбы не мела, адзначае прэс-служба ратавальнікаў.