Двух расіян могуць пасадзіць у беларускую турму за рыбалку
Інспектары аховы жывёльнага і расліннага свету затрымалі двух жыхароў Санкт-Пецярбурга на возеры Азярцы ў Лепельскім раёне.
Як пішуць "Народныя навіны Віцебска", нагодай стала рыбалка з дапамогай электравуды.
Акрамя яе ў расійскіх браканьераў канфіскавалі надзіманую гумовую лодку і 25 розных рыб агульнай вагой 2 кілаграмы. Лепельская міліцыя вырашае, ці пачынаць на расіян крымінальную справу за незаконную здабычу рыбы, якая пацягнула прычыненне шкоды ў буйным памеры — каля 12,5 млн рублёў.
Максімальнае пакаранне, якое пагражае браканьерам, — да трох гадоў пазбаўлення волі.
Фота — gosinspekciya.gov.by
