Доктарку з Віцебска судзілі за "экстрэмісцкую" інфармацыю ў сацсетках
![Будынак суда ў Віцебску](/sites/default/files/styles/gallery_main/public/2023-12/sud_vitebsk_6_12jpg.jpg.webp?itok=bduFdYb0)
Будынак суда ў Віцебску / vitbichi.by
Амаль тысячу рублёў штрафу павінна заплаціць доктарка з Віцебска за "захоўванне" ў сацсетках "экстрэмісцкай" інфармацыі. Суд адбыўся ў сярэдзіне лістапада, але віцебскія праваабаронцы даведаліся пра яго толькі цяпер.
Репост матэрыялаў TUT.BY у сацыяльнай сетцы "ВКонтакте" доктарка рабіла некалькі гадоў таму, калі рэсурс яшчэ не лічыўся "экстрэмісцкім". Пра гэтыя публікацыі яна забыла, таму і не выдаліла. Але на судзе прызнала сябе вінаватай. З улікам гэтай заявы, а таксама з аглядкай на тое, што ў жанчыны ёсць маленькае дзіця, на суткі яе не адправілі, а выпісалі штраф — у памеры 25 базавых велічынь. Гэта 925 рублёў. Пастанову вынесла суддзя суда Першамайскага раёна Віцебска Наталля Карабліна.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.