Для бяспраўнікаў, злоўленых за рулём паўторна, увядуць крымінальную адказнасць
![Для бяспраўнікаў, злоўленых за рулём паўторна, увядуць крымінальную адказнасць](/sites/default/files/styles/gallery_main/public/2023-08/talataj-2209.jpg.webp?itok=Ej9mzokI)
У заканадаўстве плануюцца сур'ёзныя змены, якія закрануць аўтааматараў. Пра гэта ў інтэрв'ю газеце "Навіны Палесся" распавёў начальнік упраўлення Дзяржаўтаінспекцыі УУС Брэсцкай вобласці палкоўнік Сяргей Талатай.
"Грамадзяне, пазбаўленыя права кіравання, якія дазволілі сабе паўторна сесці за руль без правоў, будуць прыцягвацца ўжо не да адміністрацыйнай, а да крымінальнай адказнасці", — паведаміў прадстаўнік ДАІ.
Ён спаслаўся на досвед Англіі і Нямеччыны, дзе паездка бяспраўніка за рулём аўто лічыцца сур'ёзным злачынствам. "У большасці краін гэта крымінальнае злачынства. Лічу гэта правільным, бо мы ж не ідзем выконваць функцыі хірурга, не маючы адпаведнай адукацыі? Нельга і за руль аўтамабіля садзіцца, не маючы на гэта права!" — канстатаваў палкоўнік Талатай.