Дэвід Фінчар і Трэнт Рэзнар працуюць над наступным фільмам
Творчае партнёрства Дэвіда Фінчара і Трэнта Рэзнара, падобна, прыйшлося да спадобы і рэжысёру, і музыку.
Было б дзіўна, калі б стала інакш: Рэзнару і яго калегу Ацікусу Росу
яно прынесла намінацыю на “Залаты глобус” за лепшы саўндтрэк і
сур’ёзныя шанцы апынуцца ў шортлісце аналагічнай намінацыі на “Оскар”.
Нядзіўна, што Фінчар і Рэзнар вырашылі папрацаваць зноў.
У вэб-інтэрв'ю New York Times экс-лідар Nine Inch Nails распавёў, што
шэсць тыдняў таму пачаў пісаць музыку да наступнага фільма Фінчара -
галівудскай экранізацыі бэстсэлера Сціга Ларсана “Дзяўчына з
татуіроўкай у выглядзе цмока”. Новы саўндтрэк, па словах Рэзнара, будзе
адрознівацца ад таго, што ён рабіў для “Сацыяльнай сеткі”, але яно і
так зразумела - у “Сацсетцы” ж ніхто не расследуе злачынствы
шматгадовай даўніны.
Фота: www.bopmyspace.com