Дэмакраты занеслі ў Мінгарвыканкам прапановы да праекту генплана сталіцы
Дэмакратычныя актывісты — сябры руху "За Свабоду" і Каардынацыйнай рады грамадзянскіх ініцыятываў — накіравалі ў Мінгарвыканкам свае прапановы да праекта генплана сталіцы. Яны датычаць добраўпарадкавання зялёнай зоны каля вуліцы Рафіева, рэканструкцыі Севастопальскага парку ды іншага. Да многіх прапановаў, накіраваных у гарвыканкам, прыкладаюцца эскізныя рашэнні. Іх ініцыятары спадзяюцца на тое, што пры зацверджанні генплана сталіцы ўлады разгледзяць гэтыя праекты, бо ў іх улічаныя меркаванні гараджан, паведамляе БелаПАН.
