Дэлегацыя ізраільскага кнэсету прыбывае ў Мінск

24 чэрвеня ў Мінск прыяжджае дэлегацыя дэпутатаў парламента Ізраіля для абмеркавання пытанняў супрацоўніцтва ў галіне сацыяльнага забеспячэння. У часе візіту члены ізраільскай дэлегацыі абмяркуюць пытанні супрацоўніцтва ў галіне сацыяльнага забеспячэння і, ў прыватнасці, праблемы выплаты пенсій выхадцам з адной краіны, якія стала пражываюць у другой.

Члены дэлегацыі азнаёмяцца з жыццём габрэйскай грамады Беларусі, адведаюць помнікі айчыннай гісторыі і прамысловыя прадпрыемствы, паведамляе БелаПАН.