Дарадца прэзідэнта ЗША прыбыў на перамовы ў Палац Незалежнасці
![Дарадца прэзідэнта ЗША прыбыў на перамовы ў Палац Незалежнасці](/sites/default/files/styles/gallery_main/public/2023-08/palac-2908.jpg.webp?itok=iEwUrKey)
Дарадца прэзідэнта ЗША па нацыянальнай бяспецы Джон Болтан прыбыў у Палац Незалежнасці ў Мінску, паведамляе БЕЛТА. Высокапастаўлены амерыканскі чыноўнік сустракаецца з кіраўніком Беларусі Аляксандрам Лукашэнкам.
Перад гэтым, як паведамляе амбасада ЗША, Болтан наведаў мемарыял "Яма" ў Мінску, дзе ўшанаваў памяць вязняў Мінскага гета.
Таксама ў праграме візіту Болтана намечаная сустрэча з міністрам замежных спраў Уладзімірам Макеем. Як паведамляў сам прадстаўнік Штатаў, падчас перамовау у Мінску ён плануе абмеркаваць пытанні рэгіянальнай бяспекі і незалежнасці Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
Дарадца па нацыянальнай бяспецы Джон Болтан наведаў мемарыял “Яма”, узведзены ў памяць аб вязнях Мінскага гета, забітых тут 2 сакавіка 1942 г. Дарадца Болтан аддаў даніну павагі ахвярам трагедыі і тым амерыканцам, якія выжылі ці згубілі родных у час Халакосту ў Беларусі pic.twitter.com/dZDM7e7BwW
— U.S. Embassy Minsk (@USEmbBy) August 29, 2019