Да пачатку 2024 года Мінадукацыі ўнясе змены ў дамову аб платным навучанні
Андрэй Іванец / sb.by
Да пачатку 2024 года Міністэрства адукацыі ўнясе змены ў дамовы аб атрыманні платнай адукацыі. Пра гэта паведамляе прэс-служба ведамства са спасылкай на міністра Андрэя Іванца.
Ужо цяпер у дамове, якую заключаюць студэнты-бюждэтнікі, ёсць пункт, у якім прапісваюцца выдаткі бюджэту. Мінадукацыі ўнясе адпаведную інфармацыю ў дамовы са студэнтамі-платнікамі ва ўніверсітэтах і каледжах.
Сённяшнія студэнты-платнікі пазбегнуць абавязковага размеркавання, а вось тым, хто паступіць пасля ўвядзення новых нормаў, давядзецца адпрацаваць па размеркаванні.
Раней Іванец неаднаразова казаў, што студэнты-платнікі кампенсуюць выдаткі на навучанне на ўзроўні 50-70%. Ён заявіў, што платнае навучанне ў Беларусі — "гэта форма сацыяльнай падтрымкі моладзі"
Таксама Міністэрства адукацыі прапрацоўвае павышэнне кошту аплаты. Міністр адукацыі заявіў, што інфляцыя і рост заробкаў летась склалі 16%, а цэны на навучанне падняліся толькі на 7%.
