Ціханоўская і "каліноўцы" ўшанавалі памяць забітых у "ноч паэтаў"

Святлана Ціханоўская далучылася да акцыі #ночпаэтаў. Яна ўшанавала памяць забітых у ноч з 29 на 30 кастрычніка 1937-га, прачытаўшы верш Міхася Чарота "Жывыя акорды".

У "чорную ноч" былі расстраляныя больш за сто прадстаўнікоў беларускай інтэлігенцыі: паэты, пісьменнікі, навукоўцы, дзеячы культуры. Кожны год беларусы праводзяць імпрэзы, прысвечаныя гэтай трагічнай даце.

У дзень 85-годдзя трагедыі акцыі з нагоды гадавіны наўрад ці пройдуць у Беларусі. Але ўшанаваць памяць забітых плануюць беларусы замежжа: мерапрыемствы анансаваныя ў Варшаве, Вільні і іншых гарадах.

Таксама відэа з нагоды гадавіны трагедыі апублікаваў Полк імя Каліноўскага.