ЦТ па беларускай мове на 100 балаў здалі 67 чалавек, па рускай мове — 43

ЦТ па беларускай мове на 100 балаў здалі 67 чалавек (у 2021-м іх было 40), па рускай мове — 43 (летась — 65). Афіцыйныя лічбы агучыў дырэктар Рэспубліканскага інстытута кантроля ведаў Юрый Міксюк.

На ЦТ па беларускай мове сёлета зарэгістраваліся больш за 18 000 абітурыентаў (летась было крыху менш). На ЦТ па рускай мове зарэгістраваліся больш за 50,3 тысячы чалавек (у 2021 годзе было больш на паўтысячы).