Ціханоўская і Парашэнка пагаварылі пра падтрымку беларускіх добраахвотнікаў

Святлана Ціханоўская сустрэлася з экс-прэзідэнтам Украіны Пятром Парашэнкам. Гэта адбылося падчас форуму па бяспецы ў канадскім горадзе Галіфакс.

Парашэнка называе сустрэчу важнай: "Мы скаардынавалі сумесныя меры па супрацьдзеянні расійскім захопнікам і выкарыстанню імі тэрыторыі Беларусі і яе інфраструктуры для нападаў на Украіну". Ціханоўская піша, што яны "дамовіліся каардынаваць намаганні па прадухіленні ўцягвання беларускай арміі ў вайну" і абмеркавалі падтрымку беларускіх добраахвотнікаў ва Украіне.