Чыноўніка Жлобінскага райвыканкама затрымалі за "экстрэмісцкія" падпіскі
Яўген Ахрэменка / ndsmi.by
У Жлобіне за "экстрэмісцкія" падпіскі ў сацсетках рэпрэсавалі начальніка аддзела спорту і турызму райвыканкама Яўгена Ахрэменку, піша "Флагшток".
Затрыманне чыноўніка адбылося на мінулым тыдні, але вядома пра яго стала толькі 3 студзеня. Паведамляецца, што Ахрэменку прысудзілі 15 сутак адміністрацыйнага арышту.
Журналісты "Флагштока" затэлефанавалі на яго працоўны нумар у Жлобінскім райвыканкаме. Там адказалі: "Яго няма і не будзе ўжо. Ён не працуе ўжо тут. З пачатку новага года не працуе".
