Чэшская кампанія Avast закрыла беларусам доступ да сваіх антывірусаў
Фірмовы знак кампаніі Avast / ZUMA Press
Чэшская кампанія Avast, вядомая антывіруснымі праграмамі Avast і AVG, а таксама ўтылітай CCleaner для ачысткі Windows, спыніла працу ў Беларусі і Расіі. Пра гэта паведамляе рэсурс dev by.io. Рашэнне было прынятае ў сувязі з санкцыямі Еўрасаюза.
У кампаніі папярэдзілі, што карыстальнікі могуць сутыкнуцца з памылкамі падчас выкарыстання сэрвісаў і праграм Avast. Могуць не працаваць і некаторыя функцыі.
Прадукты і паслугі гэтай кампаніі сталі недаступныя для карыстальнікаў у Беларусі і Расіі з 29 студзеня 2024 года. Пасля адкрыцця ўсталяваных праграм з'яўляецца паведамленне, што "на жаль, гэты прадукт не падтрымліваецца ў вашым цяперашнім месцазнаходжанні". Devby.io піша, што "ўсе платныя падпіскі ануляваныя на няпэўны час і не будуць абнаўляцца пасля заканчэння тэрміну".
