ChatGPT ашукаў юрыста — памылку выпадкова заўважыў суддзя

Заўсёды правярайце вынікі выдачы! / pixabay
Заўсёды правярайце вынікі выдачы! / pixabay

Штучны інтэлект ашукаў адваката з Нью-Ёрка. Юрыст звярнуўся за дапамогай да інструментаў ChatGPT, але не праверыў яго адказы, піша ВВС.

Адвакат прадстаўляў інтарэсы мужчыны, які падаў у суд на авіякампанію. У справе ён пералічыў некалькі падобных кейсаў, каб давесці, што такія пазовы да кампаніі ўжо былі. Але суддзя выпадкова выявіў, што адвакат спасылаецца на прыклады спраў, якіх ніколі не існавала.

“Шэсць з пададзеных спраў здаюцца фіктыўнымі судовымі выракамі з фіктыйнымі цытатамі”, — прыйшоў да высновы суд.

Апынулася, што калега адваката, які дапамагаў з яму з пазовам, вырашыў не шукаць неабходных кейсаў самастойна. Ён папрасіў чат-бот зрабіць гэта за яго. І штучны інтэлект проста ўсё выдумаў!

Ашуканы чат-ботам юрыст паабяцаў ніколі больш не карыстацца прыладамі штучнага інтэлекту ў працы — не пераканаўшыся ў сапраўднасці вынікаў выдачы.

ChatGPT запусціўся ў лістападзе 2022 года, і ім карыстаюцца мільёны людзей. Ён можа адказваць на пытанні чалавечай мовай, імітаваць розныя стылі пісьма. Але з моманту запуску гэтага папулярнага чат-бота гучалі перасцярогі: калі мы будзем ставіцца да вынікаў яго пошуку недастаткова крытычна, рызыкуем атачыць сябе воблакам дэзынфармацыі.

Дарэчы, сам ChatGPT, адказваючы на запыты карыстачоў, папярэджвае, што інфармацыя можа быць недакладнай.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі