Былога міністра лясной гаспадаркі Беларусі пачнуць судзіць 8 снежня
![Віталь Дрожжа / tvr.by](/sites/default/files/styles/gallery_main/public/2023-08/Droz.jpg.webp?itok=D6h1AFk-)
Віталь Дрожжа / tvr.by
Былога міністра лясной гаспадаркі Беларусі Віталя Дрожжу пачнуць судзіць 8 снежня. Яго абвінавачваюць у атрыманні хабару. Дрожжу пагражае ад 5 да 15 гадоў зняволення. Крымінальную справу будзе разглядаць Мінскі гарадскі суд (суддзя — Анастасія Папко).
Гендырэктара Нацыянальнага парку “Браслаўскія азёры” Віталя Дрожжу Аляксандр Лукашэнка прызначыў міністрам лясной гаспадаркі ў красавіку 2018-га. У красавіку 2022-га з'явілася неафіцыйная інфармацыя пра затрыманне міністра. А ў траўні яго звольнілі "ў сувязі са здзяйсненнем правіны, несумяшчальнай са знаходжаннем на дзяржаўнай службе". Падрабязнасці не паведамляліся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.