Будынак гродзенскага аэравакзала выставілі на ауцыён

Гродзенскі гарвыканкам прыняў рашэнне выставіць на ауцыён будынак аэравакзала, размешчаны ў 13 кіламетрах ад абласнога цэнтра. Яго пачалі будаваць яшчэ на пачатку 1980-х гадоў, аднак з развалам Савецкага саюза праект быў замарожаны.

У 1998 годзе недабудаваны аэравакзал быў перададзены на баланс гродзенскага гарвыканкама.

Па словах начальніка аддзела камунальнай маёмасці і прыватызацыі гарвыканкама Святаслава Карпінскага, будынак спрабавалі прадаць некалькі разоў аднак пакупнікоў не знаходзілася.

Пасля звароту ў дэпартамент па авіяцыі, было прынята рашэнне выставіць аэравакзал на аукцыён.

Папярэдні кошт будынка складае больш за 3 мільярды рублёў. Але калі знойдзецца пакупнік, гарвыканкам гатовы знізіць гэтую суму.

“Беларусь сегодня”