Брытанскія паліцыянты не змаглі прайсці тэст на фізпадрыхтоўку
Больш за 800 супрацоўнікаў паліцыі Англіі і Уэльса не змаглі прайсці тэст на фізічную падрыхтоўку. З гэтага года такі тэст стане абавязковым.
Асноўным элементам тэсту стала прабежка. Падчас яе паліцыянты павінны былі павялічваць хуткасць бегу згодна з гукавым сігналам.
Пераважная большасць з тых, хто праваліў тэст, — жанчыны, адзначае ВВС. Тым не менш, кіраўніцтва праваахоўных органаў засталося вынікамі задаволенае, бо агулам у тэсце прымалі ўдзел каля 30 тысяч паліцыянтаў.
Фота — AFP