Брэсцкія апазіцыянеры сустрэліся з дэпутатам ПП НС Алегам Вялічкам

Актывісты брэсцкай абласной кааліцыі аб'яднаных дэмакратычных сілаў абмеркавалі на сустрэчы з дэпутатам ПП НС Алегам Вялічкам актуальныя праблемы ў грамадска-палітычнай і сацыяльна-эканамічнай сферах. Сустрэча адбылася 20 чэрвеня па ініцыятыве актывістаў.  У ёй узялі ўдзел кіраўнікі рэгіянальных структур АГП  Мікалай Коўш і Ўладзімір Вуек, ПКБ Леанід Майструк, БСДП "Грамада" Ігар Маслоўскі і Ганна Канюс. У цэнтры ўвагі былі новы закон аб СМІ, умовы дзейнасці палітычных партый і грамадскіх арганізацый, парламенцкія выбары, рэформа адукацыі, будаўніцтва АЭС, сацыяльная абарона людзей. Апазіцыянеры перадалі дэпутату шэраг пісьмовых прапановаў, якія тычацца паляпшэннія працы ЖКГ і змены месца правядзення масавых мерапрыемстваў у Брэсце . "Мы пагадзіліся ў мэтазгоднасці правядзення такіх сустрэчаў у будучыні", — паведаміў старшыня абласной арганізацыі АГП Мікалай Коўш. У снежні 2007 г. па ініцыятыве актывістаў дэмакратычных сілаў Брэста адбылася падобная сустрэча з дэпутаткай ПП НС Святланай Гіль.

БелаПАН