Брастаўчанін выйшаў з антываенным лозунгам да расійскага консульства
![Брастаўчанін выйшаў з антываенным лозунгам да расійскага консульства](/sites/default/files/styles/gallery_main/public/2023-08/brest-1205.jpg.webp?itok=z7Du5w8G)
У Брэсце 10 красавіка мясцовы жыхар Павел Барсук выйшаў з антываенным плакатам да будынка Генконсульства Расіі. Для сваёй акцыі ён абраў такі час, каб вакол абавязкова былі мінакі — каля 18:30.
Як паведамляюць праваабаронцы, брастаўчаніна амаль адразу затрымалі, пасадзілі ў ІЧУ, склалі на яго пратакол па ч. 1 арт. 24.23 КаАП (Парушэнне парадку арганізацыі або правядзення масавых мерапрыемстваў).
На судзе 12 красавіка хлопец заявіў, што сваім выхадам да консульства хацеў выказаць нязгоду з уварваннем Расіі ва Украіну. Суддзя Святаслаў Каліна з Ленінскага суда Брэста прысудзіў яму 10 сутак арышту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.