Больш за 800 чалавек загінулі ад анамальнай спёкі ў Пакістане (фота)
Тэмпература ўжо другі дзень трымаецца вышэй за 40 градусаў.
У Пакістане ўжо больш за 800 чалавек загінулі ад спёкі. На поўдні гэтай азіяцкай краіны ўжо чацвёрты дзень трымаецца анамальна высокая тэмпература, якая дасягае 45-48 градусаў.
Улады правінцыі Сінд увялі ў лякарнях надзвычайнае становішча, з адпачынкаў адклікалі ўсіх урачоў, дахаты іх не адпускаюць. Сітуацыя ўскладняецца яшчэ тым, што ў рэгіёне пастаянна знікае электрычнасць.
Спёка на поўдні Пакістана супала з месяцам Рамадан, калі мусульманам забаронена есці і піць у светлы час сутак.
Фота: AFP
