Вы тут

Бетонамяшалка ў Мінску ўрэзалася ў "ГАЗ", дзе было чацвёра дзяцей

ДТЗ у Мінску / ДАІ

У Мінску ў ДТЗ трапіў аўтамабіль, у якім было чацвёра дзяцей, паведамляе ДАІ сталіцы ў сваім Telegram-канале. 

32-гадовы кіроўца бетонамяшалкі "КамАЗ" ехаў па Партызанскім праспекце з боку вуліцы Бехцерава ў напрамку вуліцы Жылуновіча ў першай паласе. Мужчына не трымаў бяспечную дыстанцыю і ўрэзаўся ў "ГАЗ", які спыніўся на чырвоны сігнал святлафора. Пасля ўдару "КамАЗ" выехаў за межы праезнай часткі. 

У "ГАЗе" ехалі чацвёра дзяцей у дзіцячых крэслах. Паведамляецца, што пасля ДТЗ 5-гадовае дзіця даставілі ў клініку для агляду. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.