Белая труна, белыя кветкі — развітанне з беларускай Лізай, загінулай у Варшаве
![Развітанне з беларускай Лізай](/sites/default/files/styles/gallery_main/public/2024-03/liza-1403-3.jpg.webp?itok=EShhhx2F)
Развітанне з беларускай Лізай / mostmedia.io
У Варшаве 14 сакавіка развітваюцца з беларускай Лізай, якая памерла пасля згвалтавання ў цэнтры польскай сталіцы.
Развітанне адбываецца на Паўночных могілках. Лізу хаваюць у закрытай белай труне. Пахавальная брыгада таксама ў белых гарнітурах.
На развітанне прыйшло каля 50-60 чалавек і шмат прадстаўнікоў польскай прэсы. Па просьбе сваякоў людзі прыйшлі з белымі кветкамі.
25-гадовую беларуску Лізу згвалтавалі ў цэнтры Варшавы 25 лютага. Нападнік душыў яе, таму дзяўчына перанесла гіпаксію галаўнога мозгу. Медыкі некалькі дзён спрабавалі выратаваць ёй жыццё, але 1 сакавіка дзяўчына памерла, не прыходзячы ў прытомнасць.
Па падазрэнні ў згвалтаванні і забойстве затрыманы 23-гадовы жыхар Варшавы Дарыян С. Яму пагражае пажыццёвае зняволенне.
![Белая труна, белыя кветкі — развітанне з беларускай Лізай, загінулай у Варшаве](/sites/default/files/styles/default_image_paragraph/public/paragraphs/image/liza-1403-1.jpg.webp?itok=9bOWy_Mx)
![Белая труна, белыя кветкі — развітанне з беларускай Лізай, загінулай у Варшаве](/sites/default/files/styles/default_image_paragraph/public/paragraphs/image/liza-1403-2.jpg.webp?itok=MohvyUPs)
![Белая труна, белыя кветкі — развітанне з беларускай Лізай, загінулай у Варшаве](/sites/default/files/styles/default_image_paragraph/public/paragraphs/image/liza-1403-4.jpg.webp?itok=7gjtfFcf)
![Белая труна, белыя кветкі — развітанне з беларускай Лізай, загінулай у Варшаве](/sites/default/files/styles/default_image_paragraph/public/paragraphs/image/liza-1403-5.jpg.webp?itok=1k4Nbb8h)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.