Беларусы сабралі ў Берліне "Стол заўсёднікаў"
У суботу, 16 кастрычніка, да самага позняга вечара беларусы пілі піва і гарбату ў кавярні ля возера ў адным з паркаў Берліна.
Уладальнікі трымалі адчыненай кавярню нават пазней за звычайны час закрыцця.
Ад
19 і за поўнач вяліся размовы на розныя тэмы – гэтак званы «Стол
заўсёднікаў» ў фармаце «штамціш», калі няма фіксаванай праграмы і
мерапрыемстваў і запрашаюцца новыя і новыя людзі. «Стол заўсёднікаў»
праходзіць у Берліне ўжо дзевяты раз. На першай сустрэчы было чалавек
пяць, а на гэтай сустрэчы ужо каля 20 нашых землякоў.
![](/files/styles/in_report/public/field/image/2010/10/2351/16336.jpg)
![](/files/styles/in_report/public/field/image/2010/10/2351/16337.jpg)
![](/files/styles/in_report/public/field/image/2010/10/2351/16338.jpg)
Арганізатар
Табіяс Вайман кажа, што беларусаў у Нямеччыне шмат, але людзі проста
ня могуць адно аднаго знайсці. Але цяпер беларусаў усё больш і больш з
кожнай сустрэчай.
Табіяс: - Я заснаваў суполку ў
Фэйсбуку, мы зрабілі платную рэкламную кампанію і знайшлі прыкладна 200
беларусаў у Нямеччыне. Ну і зараз у нас ужо цэлая сетка на сайце http://www.pakalennie.de/.
Табіяс
кажа, што асноўная мэта гэтых сустрэч – каб беларусы трымаліся разам
нават на чужыне і маглі пасля такіх сустрэч зрабіць нешта разам:
Табіяс: - Гэта як база для новых праэктаў і для сяброўства!
![](/files/styles/in_report/public/field/image/2010/10/2351/16339.jpg)
![](/files/styles/in_report/public/field/image/2010/10/2351/16341.jpg)
Каляжанка Табіяса, беларуска Ганна Сівакова кажа, што на кожнай сустрэчы бываюць новыя людзі, бывае нават палова новых людзей.
Ганна: -
Фармат Stammtisch прадугледжвае нефармальны стыль размоваў і адкрытыя
зносіны паміж наведнікамі. Натуральна, Беларусь – цэнтр такіх размоў.
На
гэтай сустрэчы прысутнічалі тры дактаранты-фізікі з Беларусі,
магістрантка з Гомеля, якая раней вучылася ў Варшаве, пісьменнік, мастак
і журналіст Алесь Тарановіч, а таксама прысутнічае вельмі актыўны
аматар Беларусі Фрыд Нільсэн, які працуе ў міністэрстве замежных спраў
Нямеччыны, але нейкі час працаваў у Беларусі, і пакуль жыў там, з'ездзіў
усю краіну на ўласнай машыне і дагэтуль сэрцам там, таму вельмі
цікавіцца ўсім, што звязана з нашай радзімай.
![](/files/styles/in_report/public/field/image/2010/10/2351/16342.jpg)
![](/files/styles/in_report/public/field/image/2010/10/2351/16343.jpg)
![](/files/styles/in_report/public/field/image/2010/10/2351/16344.jpg)
Табіяс
выказвае спадзяванне, што гэтая традыцыя будзе мець працяг і ў іншых
гарадах Нямеччыны, тым больш былі спробы правядзення такіх жа сустрэч
беларусаў у Кёльне і ў Мюнхене. Ужо зараз зробленая мапа ў інтэрнэце, на
якой будуць паказаныя месцы, дзе жывуць падпісчыкі рассылкі сайта pakalennie.de, такім чынам беларусы будуць мець шанец знайсці адно аднаго не толькі ў Нямеччыне, але і ва ўсім свеце.